Food Garden ETC (已結業)

D2PLACE 呢間黃店之前黎過一次，覺得唔錯所以就再ENCORE，呢度食物質素算係唔錯嘅，之不過可能人手真係唔係好夠所以通常比較難搵到侍應招呼，呢個係少少扣分位。講返食物先，呢度嘅Pizza係用上薄身嘅餅底，咬落非常香脆，成個pizza用料都好足，有大量嘅菠蘿芝士同火腿。香蒜蜆肉意粉有別於平時食開嘅，通常蜆肉都會夾雜喺意粉中間，但呢度係蜆肉放晒喺意粉嘅下面，令蜆肉唔會咁易乾，而且蜆肉份量係出奇地多又大隻，味道新鮮同時肉質仲幾爽口。香酥翠瓜茄子條炸得香脆。之前食唔到嘅炸魷魚圈今次終於食到外酥內脆好juicy，比起翠瓜茄子條更好食。