影片
更多
2021-03-12
186 瀏覽
💛💛💛羅東肉焿番💛💛💛坦白講幫襯佢係因為佢係一間黃店，所以都冇研究過佢係咪好食，就直接幫襯左🤔。等咗大約半個鐘終於有得食，環境唔錯，侍應好Nice🤣。一口鹽酥雞 $42兩個字講晒——好食。啱啱炸起外邊脆卜卜，令人好想不停咁食😍。粉漿唔算太厚，雞肉都仲係好嫩滑，食落去仲有啲肉汁流出黎💗。定價方面有少少進取， $42大概有十幾粒細雞粒，不過最緊要好食👍🏻！仙草芋圓1號（三色芋圓、蜜紅豆、海藻水晶）$34呢個甜品係朋友嗌嘅，所以我淨係試咗我個碗無既配料——蜜紅豆同海藻水晶。蜜紅豆算係兩碗咁多種配料裏邊最正常嘅，甜甜地，正常紅豆🤣。海藻水晶冇乜味，不過無味都總好過有怪味，咬落去好似硬硬地嘅啫喱，除咗無味以外都幾好食😌。仙草芋圓3號（三色芋圓、波霸白玉珍珠、爆珠）$36平時就算食物有幾難食都好，我都會盡量完成佢，因為唔想浪費食物😏。但呢碗糖水我真係搞唔掂，食落好似有浸藥水味😖。芋圓算正常，雖然偏向粉味重，唔係好煙韌，芋頭味亦唔知去左邊，不過食得落口😎。波霸白玉珍珠味道都係正常嘅，平平無奇，好在都算煙韌。爆珠好難食，每次咬開啲爆珠，就有浸好似藥水既液體爆出黎，佢完全影響到成碗糖水，所有野都變得怪怪
坦白講幫襯佢係因為佢係一間黃店，所以都冇研究過佢係咪好食，就直接幫襯左🤔。等咗大約半個鐘終於有得食，環境唔錯，侍應好Nice🤣。
一口鹽酥雞 $42兩個字講晒——好食。啱啱炸起外邊脆卜卜，令人好想不停咁食😍。粉漿唔算太厚，雞肉都仲係好嫩滑，食落去仲有啲肉汁流出黎💗。定價方面有少少進取， $42大概有十幾粒細雞粒，不過最緊要好食👍🏻！
仙草芋圓1號（三色芋圓、蜜紅豆、海藻水晶）$34呢個甜品係朋友嗌嘅，所以我淨係試咗我個碗無既配料——蜜紅豆同海藻水晶。蜜紅豆算係兩碗咁多種配料裏邊最正常嘅，甜甜地，正常紅豆🤣。海藻水晶冇乜味，不過無味都總好過有怪味，咬落去好似硬硬地嘅啫喱，除咗無味以外都幾好食😌。
仙草芋圓3號（三色芋圓、波霸白玉珍珠、爆珠）$36平時就算食物有幾難食都好，我都會盡量完成佢，因為唔想浪費食物😏。但呢碗糖水我真係搞唔掂，食落好似有浸藥水味😖。芋圓算正常，雖然偏向粉味重，唔係好煙韌，芋頭味亦唔知去左邊，不過食得落口😎。波霸白玉珍珠味道都係正常嘅，平平無奇，好在都算煙韌。爆珠好難食，每次咬開啲爆珠，就有浸好似藥水既液體爆出黎，佢完全影響到成碗糖水，所有野都變得怪怪地😂，我真係完成唔到。
點解個食評會喺食完之後兩個月先打呢，係因為印象太深刻，睇返相都仲記得邊啲好食邊啲難食，好需要打出黎比大家睇🥲。因為佢係黃店，所以我唔會一下子講話以後都唔會食，但希望佢真係正視一下仙草糖水嘅問題。埋單$112（無加一）
張貼
