影片
更多
2020-11-09
346 瀏覽
💛💛💛全記點心💛💛💛今日男朋友突然之間話想飲茶，但係多數傳統大集團茶樓都係藍店。我哋一向都會幫襯小店或黃店，好好彩荃灣有一間食點心嘅黃店。今次係我哋第一次幫襯，環境方面裝修好特別。地下唔會油淋淋，好乾淨。店員嘅態度都唔錯。以前間舖頭同隔離鋪係貼滿晒memo紙💛！Lunch set $49，主食、點心、菜、飲品（包各一），價錢一啲都唔貴。由於我一向細食，一定完成唔到一個餐，所以最終選擇左嗌一個餐加另外三個點心，咁就可以唔浪費食物，同時又可以試多幾樣點心😚。主食 - 菜乾豬骨粥算足料，豬骨係連帶有肉食既，亦都唔少菜乾。令我最鍾意既係粥底唔鹹，唔洗話食兩啖要飲水。份量都算足夠，如果一個女仔食完一碗之後，未必食得晒跟餐嘅菜同點心，相反如果係男仔食嘅話咁就份量好足夠，可能因為咁，都好多男人食😂。跟餐菜 - 西生菜唔知係咪煮得太耐，或者煮完之後再不停返熱，所以啲菜煮到有少少老，睇顏色都睇到佢已經變咗深綠色。啲菜已經唔再爽脆，食落有啲淋。另外佢唔係跟蠔油，而係跟淡豉油上菜。單點 - 叉燒腸一碟總共有六舊，不過因為我哋太肚餓，所以急不及待咁樣食咗一舊。叉燒腸嘅皮好軟熟，唔會太硬。同時叉燒都唔少，夾落去
今日男朋友突然之間話想飲茶，但係多數傳統大集團茶樓都係藍店。我哋一向都會幫襯小店或黃店，好好彩荃灣有一間食點心嘅黃店。今次係我哋第一次幫襯，環境方面裝修好特別。地下唔會油淋淋，好乾淨。店員嘅態度都唔錯。以前間舖頭同隔離鋪係貼滿晒memo紙💛！Lunch set $49，主食、點心、菜、飲品（包各一），價錢一啲都唔貴。由於我一向細食，一定完成唔到一個餐，所以最終選擇左嗌一個餐加另外三個點心，咁就可以唔浪費食物，同時又可以試多幾樣點心😚。
主食 - 菜乾豬骨粥
算足料，豬骨係連帶有肉食既，亦都唔少菜乾。令我最鍾意既係粥底唔鹹，唔洗話食兩啖要飲水。份量都算足夠，如果一個女仔食完一碗之後，未必食得晒跟餐嘅菜同點心，相反如果係男仔食嘅話咁就份量好足夠，可能因為咁，都好多男人食😂。
菜乾豬骨粥
14 瀏覽
0 讚好
0 留言
跟餐菜 - 西生菜
唔知係咪煮得太耐，或者煮完之後再不停返熱，所以啲菜煮到有少少老，睇顏色都睇到佢已經變咗深綠色。啲菜已經唔再爽脆，食落有啲淋。另外佢唔係跟蠔油，而係跟淡豉油上菜。
單點 - 叉燒腸
一碟總共有六舊，不過因為我哋太肚餓，所以急不及待咁樣食咗一舊。叉燒腸嘅皮好軟熟，唔會太硬。同時叉燒都唔少，夾落去唔會好碎，唔錯😍。點叉燒腸嘅豉油唔係太鹹，所以落多少少都唔緊要，仲可以令到條叉燒腸更加滑。
9 瀏覽
0 讚好
0 留言
點心 - 鮮蝦菠菜餃
好足料，個餡料都幾好食，一啖食唔晒，要分兩口。不過餃皮有少少淋/軟，唔知係因為煮到過熟，定係本身搓皮嘅時候個餃皮已經係比較淋/軟🤨。問題不大，會再嗌黎食。
鮮蝦菠菜餃
20 瀏覽
0 讚好
0 留言
單點 - 灌湯餃
我唔係食灌湯餃嘅專家，男朋友話灌湯餃應該係個餃裏邊有湯，咬落去就有湯漏出黎。事實上，好似做唔到咁點😖😖。
灌湯餃
15 瀏覽
0 讚好
0 留言
單點 - 鵪鶉蛋燒賣
感覺上好似過熟，因為食落去鵪鶉蛋嘅表面已經硬咗。不過出奇地裏面仲係好軟熟軟棉棉，所以我都唔係好肯定佢真係過熟，定係本身粒鵪鶉蛋有啲問題😫。另外，燒賣既肉有啲鬆散。整體鵪鶉蛋燒賣嘅大細比我平時出邊食嘅細，呢樣我未必會再返嗌😢。
鵪鶉蛋燒賣
9 瀏覽
0 讚好
0 留言
下午茶好抵食，下午茶既價錢，以上既質素，咁又唔同講法。我諗我下次都會試下。
張貼
