101台式休閒餐廳 (青衣城2)

營業中

休息中

💛💛💛101台式休閒餐廳💛💛💛去開青衣城又想食台灣嘢，食依間就最啱啦👍🏻。唔係好使等位非常之好，入到去坐得好舒服，光猛得來所有嘢都好乾淨。兩個人食所以冇嗌太多，原來份量都好夠好飽🥰。無骨香辣三杯雞肉操飯三杯雞有少少辣，不過都可以接受嘅，唔洗飲水既辣😂。雞肉肉質唔鞋，最緊要無骨🥰。個飯超多汁，多汁得黎又唔係好鹹☺️。飯既份量都唔少，對得住個價錢！鹽酥雞（小）因為唔想太熱氣，所以我哋淨係嗌咗細份鹽酥雞，兩個人食又岩岩好喎🤪。炸得好香脆，下次唔怕熱氣就直接嗌大份先得🥰。盆栽特濃朱古力珍珠最鍾意食台式嘢既時候，飲有珍珠嘅飲品。呢杯啲珍珠好煙韌，上面啲碎碎好正😍。如果大杯啲就更好，因為真係好好飲，好快就飲完🤪。沙茶雞髀肉小火鍋（加咗兩碟穀飼肥牛）份量好足夠，本身仲諗住個小火鍋咁平，應該唔夠兩個人食，我哋仲額外嗌多咗兩碟肥牛🤪。小火鍋同牛肉嘅份量都好多，我地兩個人真係抱住個肚咁走🤣。