名館 (黃埔天地) (已結業)

地鐵有左黃埔站後多左一家人嚟，一家人當然食中菜多啦！糖心黑蒜燉響螺 比姫松茸燉花膠重味，可能始於黑蒜啦！有點甜味，女仔會幾鐘意！響螺燉得好林，一咬就開就鬆了，唔費牙勁！姫松茸燉花膠雞腿肉同豬肉燉，清得嚟都好有味道！清而不失濃味。姫松茸好似小菇咁好吸湯，好味！有少少微酸，但唔過份嫁！幾鐘意多肉燉，但油脂感唔多！花膠得一舊，但價錢好ok嘛！鮮蝦野菜春卷好脆好長下，一開二切左，以為會散開。但入面都保持好靚呀，紫椰菜 蝦肉！外脆，內蝦肉彈彈地呀，有菜就好健康！加少少gip汁酸酸開胃！厚切叉燒皇 超厚肉，超厚層！件數唔多，但真係好厚！叉燒仲有蜜汁，厚得嚟唔會老，半軟半硬咁，幾好！4個人，一人兩件到！配白飯nice！蜂蜜柚子蝦球依個大家一致讚賞！有少量青檸在上，滿滿柚子絲同汁。炸得半晶瑩剔透咁，薄身既！蝦大件，每人幾舊！鮮蝦薯仔薄餅似甜咸薄餐咁，薄薄一件件，上面有蝦肉，幾小巧小食！薯仔薄餅個邊煎左脆脆，幾香口！石鍋鮑魚雞粒炒飯好多小鮑魚仔，抵呀！雖然細粒，但個個都食到，有少少咬口，鮑魚味就唔濃啦！飯粒就好爽口，雖用豉油炒，但唔咸，岩岩好！飯中有d蔥花同西芹粒，色水好d，哈哈！蒜香娃娃菜咸咸地既蒜蓉