阿婆糖水

營業中

休息中

先解釋點解要放張相，因為亞婆糖水既舖位位於東記小食，日落前都係東記做緊生意，到晚上亞婆糖水先會出現。今次糖水既樣就冇影到，反正中式糖水個樣都係咁上下。我同女朋友一人嗌左一碗，分別係蛋白杏仁茶同埋芋頭西米露。好多人認為蛋白杏仁茶要夠幼滑先至好，而亞婆糖水既杏仁茶則不在此列，你絕對會食到有杏碎，亦因為咁，證明左佢唔係沖粉沖出黎既，所以杏味十分濃郁，I Like It！而芋頭西米露，我諗主角在於芋頭吧，芋頭都幾粉，整個西米露不會過甜，亦不會漿口。