MeeMeeMe (已結業)

之前聽港鐵黃竹坑站附近返工的朋友話呢頭食嘢唔係太多選擇，逼住要自已帶lunch返工。不過現在已逐步有改善，今日聽佢介紹來咗呢間“MeeMeeMe"餐廳。好易記的名字。來到先發覺唔係純粹嘅馬來西亞餐廳，而係fusion菜餐廳似D。叫咗個越式牛肉河，有生熟安格斯牛肉，有牛骨湯，有河粉，飲咗啖湯先，鮮甜無比，上檯前依然睇到半生牛肉的粉紅色，啲牛肉好新鮮，仲有D配菜，豆腐卜，魚片頭，食食吓，連埋湯都飲晒入肚，好滿足。配咗個特飲“椰青蘆薈特飲”，平時鍾意飲椰青食埋椰肉，但今次有椰青水，有椰肉，有蘆薈，而唔使自己“挖”椰子肉，好好吖！"軟殼蟹黑松露意粉"隻軟殼蟹好大隻，"芝芝火龍果"真材實料好靚又好味。