Sodam Chicken (已結業)

sodam chicken 除左炸雞吸引之外，佢近排推出嘅黃金系列都好唔錯！尤其是黃金魷魚圈，好好味，但係其他食物就一般般。今次點左黃金鹹蛋黃魷魚圈 $78價錢稍貴，份量唔多，但係味道真係唔錯！魷魚圈炸得熱辣辣金黃香脆可口，外脆內軟，重點係鹹蛋黃味道濃郁，調味適中，真係忍唔住係咁食！！好好味！好鹹蛋黃！！蜜糖蒜香焗雞 $175焗雞同炸雞唔同，炸雞冇骨，焗雞係帶骨嘅，會有雞脾雞翼唔同部位。焗雞冇咁熱氣，雞肉都算嫩有汁，蜜糖甜甜地之於有蒜香味，味道比較豐富～但係個人覺得炸雞juicy d 比較鍾意炸雞。辣豆腐湯 $98辣豆腐湯都幾辣下，有泡菜同豆腐。豆腐幾有豆味都嫩滑，但係整體味道比較普通，價錢又唔平就比較唔推薦。卡邦尼年糕 $120年糕質感軟熟帶小小煙韌，但係整體調味好淡，可以話冇乜味，下次唔會再叫。蜜桃燒酒 $78估唔到佢比想像中酒味淡薄，幾容易入口，唔會話好奇怪藥水味，蜜桃味都幾濃郁。