Manecy's Studio Restaurant (已結業)

身邊總有幾個喜歡食德國豬手既朋友，平時食豬手只會想起某幾間比較大型既德國餐廳，今次反而想試新野！呢間Manecy's Studio Restaurant好近地鐵站，好容易就搵到其實上到1樓，出lift就已經係餐廳，忘記影環境相，印象中係有d逼HAHA。我同朋友都唔係好肚餓，好快就決定要食豬手加2個前菜。食德國豬手點可以無啤酒？所以餐廳哥哥好熱心咁為我地推介左呢2款啤酒，一支重麥味，另一支重果味，都係好易入口！蟹餅伴番茄莎莎 $98   講返呢個tapas先...係真心難食既 本來以爲蟹餅算係安全之選，首先上碟時唔算好熱，係屬微溫，其次係成件蟹餅個口感好粉、重胡椒味，唔係好食到有蟹肉，感覺似食緊一件胡椒味既粉團...脆炸一口Mozzarella Cheese $118   芝士無拉絲有d扣分，mozzarella cheese比較淡身，如果有dipping sauce會更惹味。德國脆爆咸豬手 $248   終于到主角德國豬手出場，熱辣辣，個皮脆口又易咬，d肉好嫩滑多汁，配埋pickles食好開胃。