大富蠔音樂餐廳

營業中

休息中

呢間酒吧餐廳位於尖沙嘴The Nate，主打蟹粉同生蠔菜式，最近做緊蟹粉套餐買一送一優惠，至到2月28號，另外逢星期五六21:00有Live Band點唱，一個地方集齊吃喝玩樂，放工想同朋友仔Relax吓嘅話呢度都係個唔錯嘅選擇。前菜有凱撒沙律，菜新鮮爽脆，配埋麵包脆脆，無花果同甜醋汁，味道酸甜，十分開胃。小食有蟹粉蟹肉甲羅燒多士，以蟹膏、蟹肉、蟹籽同香蔥混合而成，搭配香口多士仔都幾夾。另有香烤蟹粉蟹肉釀雞翼，創新料理，餡料飽滿，滿足。主食為海膽蟹粉蟹肉忌廉墨汁意粉，意粉彈牙掛汁，海膽同蟹粉味比想像中濃，值得一試。蟹粉蟹肉海鮮雜錦Pizza更係第一次見，細細一件方便食用，薄餅厚度適中，餡料豐富，仲有芝士搭配，邪惡又好味呀。