彩興來來火鍋 (已結業)

早兩日入咗將軍澳搵朋友食飯，因為唔係太熟路，所以由佢決定食乜嘢，佢話佢屋企附近有一間打邊爐好好食，所以我就跟咗佢呢一間😂，一到去環境舒適，服務員亦好好禮貌，開頭以為枱上面嗰蓋打開咗之後會係一個電磁爐，原來唔係，係一個生鐵鑊，真係好特別，我都係第一次見😂，研究完一輪之後我哋就開始叫嘢食啦，我哋叫咗個黃金雞湯👍🏻，首先佢會用薑同埋蒜頭喺個生鐵鑊入面，之後再落雞、花膠、蟲草花一齊爆香，之後再落湯，煲滾左之後先飲個湯，好好飲，好鮮甜👍🏻👍🏻，配料方面我哋叫咗花雕肥牛，唔好以為放左落去個火鍋到會冇晒花雕味，整熟咗之後，肥牛依然有好香嘅花雕味👍🏻👍🏻，四寶丸，好彈牙，味道剛剛好，招牌三拼餃，好飽滿好足料，即炸響鈴，炸到脆卜卜👍🏻，整體來講值得一試