名館 (黃埔天地) (已結業)

黃埔美食坊這間名館餐廳， 新店開張冇幾耐已經吸引很多食客幫襯, 我也是其中之一位, 今晚與朋友食過之後, 覺得又平又好食， 值得下次再幫襯。餐單簡單得嚟又易睇，圖文並茂， 我們不停剔剔剔， 最後五餸一湯 ,豐富到極。Order了 私房金黃球泡飯、 蝦球蟹子粉絲煲、 金銀蒜蒸娃娃菜、 鮮肉一口小籠包、 厚切叉燒王和養肝蔘燉鷓鴣， 全部是這裏的招牌菜，正！第一味餸先來私房金黃球泡飯, 賣相特別,舊泡飯好像一個足球咁圓，金黃色的球體放在湯中，非常搶眼。而食落又好好味，湯底材料豐富,有青豆、粟米、蕃茄和豬肉，味道香濃。夠特式的一道菜，好好食。跟住來蝦球蟹子粉絲煲， 熱騰騰香氣十足， 蝦球特別新鮮，口感非常爽彈，鮮味滿足！金銀蒜蒸娃娃菜,菜嫩味清香，而最欣賞是哪些蒜蓉, 炸過之後配上娃娃菜一齊食特別惹味， 湯底又清甜。鮮肉一口小籠包,皮勁薄，肉鮮嫩，不用點醋也好好食，而當中湯汁鮮味，令小籠包份外好食。厚切叉燒王, 色澤靚而美味多汁，加上口感軟腍入味，入口鬆軟，厚切而惹味，特別好食。養肝蔘燉鷓鴣， 極滋陰的一道湯， 本身除了有鷓鴣肉外， 還有雞腳和瘦肉,清甜好飲。