丼丼亭 (已結業)

自從黃埔有左地鐵之後，令大家去黃埔多一個方便而且快捷的選擇。今日放左工之後，就約左幾位朋友到黃埔區搵食。因為朋友們都係日本菜的忠實fans，於是就搵到丼丼亭呢一間日式餐廳。由餐廳經理介紹下，先知道原來丼丼亭係日本大阪的品牌，進駐香港大約一年的時間。首先，我地order五式刺身拼盤做頭盤，三文魚好肥美，絕對有入口即溶的感覺。而厚切的吞拿魚亦很新鮮，好有口感。不得不提的係三文魚籽，有好重的新鮮魚油味，值得一贊。餐廳的招牌菜，就一定係天婦羅喇。平時燒的鰻魚就食得多，今次第一次試到用鰻魚做的天婦羅，原來係又幾特別，魚肉好滑而且不油膩。另外，仲點左海蝦、廣島蠔、南瓜同埋蕃薯天婦羅，都係炸得好乾身。由於天氣開始轉凍，我地就點左個松葉蟹梅子海鮮鍋，邊烚邊食，第一次試梅子做湯底的火鍋，好有新鮮感。個海鮮鍋足足有4隻長長的蟹腳，蟹肉飽滿鮮甜，絕不欺場，再加上帶子、豆腐、蔬菜等的配料，好滿足呀。由於朋友中有牛肉愛好者，所以就追加左一份牛肉，令人驚喜的係牛肉唔係一般的本地肥牛，而係安格斯肥牛，牛肉的脂肪分佈平均，而且牛味極重，好彩有追加咋。之後的係苦瓜豚肉釜飯，苦瓜帶有甘甜的味道，雖然本人對苦瓜無咩好感，但