影片
更多
2017-07-31
175 瀏覽
今日入開大埔有啲野做，熱到溶，求其搵間食店醫肚，見哩間都幾多人幫趁，望下餐牌價錢亦唔貴，應該冇死。＊＊＊＊＊＊＊＊＊＊＊＊＊食嘢可以講係一間茶餐廳價錢的餐廳，論裝潢、座位舒適度同整潔度都比一般茶記好，但lunch set大部份都係五十幾蚊有交易，仲包湯同野飲同全日免加一，唔怪得雖然唔近火車站，但午飯時間都一樣咁多人。金桔檸檬綠茶(跟餐+$20)Lunch Set本身跟嘅餐茶唔係普通奶茶咖啡檸茶檸水，係珍珠奶茶/青蘋果/百香果綠茶，但由於天氣太熱，好想飲大大杯凍野，所以我決定加$20轉哩杯金桔檸檬綠茶。哩杯金桔檸檬綠茶非常大杯，差唔多係平時兩杯野飲嘅份量，所以基本上都可以兩個人share，入面見倒好足料有青檸、檸檬同話梅，所以飲落酸酸甜甜非常清新透心涼。海皇炒飯($52)Lunch set有炒飯、咖哩同中式飯，雖然見倒廚房有個印度藉師傅，但天氣熱唔想食咖啡，而又不嬲對中式飯冇乜興趣，所以好多次我都係叫炒飯。哩個炒飯份量都幾多，一個麻甩佬食都夠飽，炒得好有光澤同夠乾身，但食落又唔算太油同太黏口，最正係入面有好多海鮮，好似八爪魚、帶子、蟹柳、蝦米......雖然切得比較細粒，但真係每一啖都食
＊＊＊＊＊＊＊＊＊＊＊＊＊
食嘢可以講係一間茶餐廳價錢的餐廳，論裝潢、座位舒適度同整潔度都比一般茶記好，但lunch set大部份都係五十幾蚊有交易，仲包湯同野飲同全日免加一，唔怪得雖然唔近火車站，但午飯時間都一樣咁多人。
金桔檸檬綠茶(跟餐+$20)
Lunch Set本身跟嘅餐茶唔係普通奶茶咖啡檸茶檸水，係珍珠奶茶/青蘋果/百香果綠茶，但由於天氣太熱，好想飲大大杯凍野，所以我決定加$20轉哩杯金桔檸檬綠茶。
哩杯金桔檸檬綠茶非常大杯，差唔多係平時兩杯野飲嘅份量，所以基本上都可以兩個人share，入面見倒好足料有青檸、檸檬同話梅，所以飲落酸酸甜甜非常清新透心涼。
金桔檸檬綠茶
$20
10 瀏覽
0 讚好
0 留言
海皇炒飯($52)
Lunch set有炒飯、咖哩同中式飯，雖然見倒廚房有個印度藉師傅，但天氣熱唔想食咖啡，而又不嬲對中式飯冇乜興趣，所以好多次我都係叫炒飯。
海皇炒飯
$52
8 瀏覽
0 讚好
0 留言
哩個炒飯份量都幾多，一個麻甩佬食都夠飽，炒得好有光澤同夠乾身，但食落又唔算太油同太黏口，最正係入面有好多海鮮，好似八爪魚、帶子、蟹柳、蝦米......雖然切得比較細粒，但真係每一啖都食倒海鮮，性價比非常高。
海皇炒飯
$52
10 瀏覽
0 讚好
0 留言
海皇炒飯
$52
10 瀏覽
0 讚好
0 留言
總結，茶餐廳價錢可以食倒餐廳質素，食物份量夠又好食，非常驚喜，可惜要去到大埔，如果唔係入開黎好難會特登走入黎食，但去開附近嘅朋友絕對唔可以錯過。
張貼
