菜菜鍋(犇.石燒) (T.O.P This is Our Place) (已結業)

呢間野其實黎過幾次架啦，見自己成日encore,值得一寫！第一次黎嘅時候，係因為某個星期六晚上，去邊都要等位，呢間新開冇咩人，見又唔太貴，就入去食下啦！好幾個月後，而家已經變成要等位啦！不過都唔算耐嘅！講下點解開始多人又唔會爆紅？因為佢食物款唔多，仲要跟店名一樣，以菜為主。佢d食物耐唔耐會轉幾款，由新開到而家，我食果幾次有時都會見到新野！菜最特別係有西蘭花，你冇諗過可以打邊爐，更冇諗過可以好食！同埋有時有紫薯，有時就芋頭！菇方面，必有雞脾菇，但金菇要睇運氣，傷心！另外一個重點，可能只係個人口味喜好啦，仲就係有福字麵，放落豬骨湯一流！仲有少量肉，海鮮，丸，其實邊食得咁多，我覺得款都夠！肉我揀最平嘅上等牛肉，其實主要唔係食肉冇需要揀咁靚！湯底試過咁多款，都係呢兩個最穏陣！千祈唔好試海帶，放兩片海帶加清水，完！如果你兩個人，建議唔好一人一鍋，枱會好細！另一重點係雪糕，佢有四款醬加落雪糕，好似麥當當新地咁，仲有加oreo碎，好正！