榴槤貴族 (已結業)

今日行葵廣，竟然撞到榴槤貴族係到擺檔。發達啦，我今日仲可以買埋月餅呀。WoW ! 興奮打孖黎，有黑白雙煞，可以一次過試晒二款榴槤冰皮月餅。有保温袋比埋你，安心帶佢返屋企👍👍榴槤鑽石＜黑刺＞叫得做鑽石，可想而知佢幾尊貴和稀有。黑刺產量低，所以更加矜貴。用佢做出黎既榴槤，更加值得一試。潔白既冰皮，厚度適中，包裏著橙黃色既黑刺果肉。沒有流心效果，但餡料就像將榴槤分開放在月餅中，散發出強烈既榴槤馥郁芳香。黑刺餡料十分軟滑，像雪糕般的口感，較甜，沒有那麼多苦甘味。真係讓人回味那縈繞在脣齒間的美好滋味。榴槤黃金＜貓山王＞貓山王就食得多，不過用佢黎做既榴槤都係第一次食。店員介紹，佢地係用左馬來西亞既剛熟成既貓山王做月餅餡料，不是雪藏榴槤肉製成，所以味道會更鮮和更滑。返屋企打開包裝，濃濃的榴槤果肉直竄腦門。皮薄餡靚，啖啖肉極足料。咬下去口感特別綿密，甜度適中，吃一口已讓人齒頰留香。呢度除左有馬來西亞榴槤買，仲有澳洲牛油果買，都幾大個，又買埋佢返屋企慢慢嘆。