黃喵餐廳 (已結業)

黃喵餐廳位於葵芳，雖然店叫黃喵餐廳，但其實店內有四隻可愛嘅黑貓四處遊走。我哋一行六人，被安排坐樓上閣樓，食咗好多款式嘅美食。首先有炸軟殼蟹配柚子沙律，開胃清新爽口，裏面有好多腰果。主菜有馬拉盞炒通菜，泰式燒豬頸肉，咖哩牛腩配烤薄餅同蒜蓉包，每一款都好味道，特別係個蒜蓉包同薄餅，淨係點咖哩汁已經好開胃。我哋再食咗串燒雞牛同燒大蝦，仲有冬陰功湯，湯裡面有好幾隻大蝦。最後食咗大蝦蛋包金邊粉，講漏咗仲有泰式小食拼盤，整體樣樣都幾好食，係冷氣唔多夠，其他都好ok。