黑布小巷

營業中

休息中

之前食過黑布小巷既荔枝角分店，見到最近佢開到黎大角咀，又黎食下～黎到一定要叫佢地既招牌吐司！上次食過雞扒既，今次試肉蛋吐司，兩款都好好食！1⃣️麻辣鬼椒肉蛋吐司（$58） 佢地既吐司真係必點既🤩兩片豬扒食落一啲都唔乾而且帶少少醃過既甜味，配上流心蛋汁同芝士🧀食落夠邪惡！吐司表面烘過，唔算好脆好脆，但係就食落好香～  2⃣️蕃茄紅燒牛肉麵（$88） 麵要咬口，蘿蔔煮得好淋一咬就爛。另外牛肉份量好多都係煮得好淋好入味😋湯底係好濃既牛肉湯，番茄味道唔算好強，但係成個湯底好濃郁，仲有啲爛左既牛肉碎碎。另外粒蛋似係鐵蛋，偏硬既。  3️⃣芝士吞拿魚粟米蛋餅（$42） 佢地呢度既蛋餅又係值得encore的！蛋餅皮唔算存在感好強，入面餡料爆多，啲吞拿魚真係多到夾起都feel到佢既重量，一唔小心就會跌出黎😝  4️⃣手工滷肉慢烤雞扒便當（$68） 係我鍾意既鐵路便當feel。有粒粒腩肉碎、炒椰菜、酸菜、粉絲、粟米，撈埋食勁豐富！跟住雞扒都很出色！慢烤雞扒嫩滑帶蜜香，仲有兩大件！性價比一流！  5️⃣夜市蝦捲（+$28） 佢外皮好脆身😳同我係其他台式餐廳食到既唔同，似係啱啱炸起。  6️⃣桂花烏龍（+$12） 無糖茶解膩！