九吋半 (已結業)

成日講出邊講係屋企附近先，今日嚟到屋企樓下附近嗰間。個個都知我鍾意支持小店，我見佢啲嘢食都幾有特色，咁就要支持下佢。佢再疫情底下，所有餐具都變成用完即棄，呢樣我都鍾意，乾淨衛生。講返呢間餐廳先，佢喺西貢內橫街，坐街邊的好有風味，經過不妨一試。我就最鍾意食黑松露，亦都知道黑松露配蘑菇係好夾嘅，奈何小弟有些少尿酸，但美食當前食藥都要食㗎啦！味道方面唔錯，如果夾硬要俾啲意見，我比較喜歡食扁意粉冧身啲，如果能夠掛乾到水，令意粉本身吸收到黑松露蘑菇汁嘅味，咁就100分，努力啦！