金船長餐廳 (已結業)

大角咀係一個平時比較少去到嘅地方，但係今次呢一間金船長餐廳，位置於奧運站嘅附近，交通都非常方便！而且食物質素非常高， 十分值得推介。一定要試嘅係黑松露菌醬芝士夾心Pizza ,雖然叫做Pizza ,但係感覺似toast，佢係全店最出名嘅菜式，仲係得奬添，一上菜已經覺得好香，店員睇我哋有三個唔同嘅食法，可以加上佢哋自家製造嘅提子果醋，令到Pizza冇咁heavy另外，我哋都試咗法式焗田螺， 配上麵包，非常香口。唔想晚餐太heavy，我哋叫咗個海鮮沙律，非常豐富嘅海鮮，仲有好多水果，系一個好健康嘅選擇！零一個主菜係南瓜汁軟殼蟹意大利飯，軟殼蟹炸得好香，南瓜汁係一個唔錯嘅配搭。最後，我哋仲叫咗個心太軟做甜品，佢係我嘅最愛，一定要試，朱古力非常濃，配上雪糕，絕對稱得上甜品之冠。