Plato Cafe & Bistro (彌敦道) (已結業)

晚餐有set ,連埋餐湯蒜蓉包。但蒜蓉包麻麻哋，蒜蓉味唔夠。今日嘅餐湯係雞湯，得一款冇得揀。味道尚可，冇咩特別。見到好多人都推介呢個黑松露野菌意大利飯，就點左黎試吓。一試第一啖，即刻覺得大家冇介紹錯，非常好味，黑松露味好濃好香。份量都幾多，而且好creamy ,好有飽足感。男友點左個芝士牛肉漢堡跟薯條，牛肉有得揀幾成熟，賣相幾吸引，牛肉好厚幾Juicy，但同黑松露意大利飯相比就少咗啲驚喜啦。Set跟埋一杯嘢飲，百5蚊左右就有成個set ，性價比都幾高！係OpenRice訂座有九折優惠，我哋喺入座前30分鐘訂都有位。