揀得啱車仔麵 (已結業)

今日收工遲咗，又無買餸，去咗公司樓下呢間車仔麵店，平時逢lunch hour就排長龍，今日終於可以食到了🥰餐廳乾乾淨淨，而且燈光光猛，有別於心目中嘅車仔麵店。呢度有好多材料可以選擇，至少有三、四十款嘅菜式，多到不能盡錄😆如果諗唔到嘅話，都有唔同嘅set，今次叫咗4款麵食，滿足到各人嘅口味。外賣盒湯同麵分開，攞返去唔使怕啲麵條會淋晒👍🏻特別一提呢度嘅麻辣鴨血口味屬微辣+麻口味，口感爽滑，而且夠晒入味！雞翼嘅滷水汁甜甜地，唔會太油膩，炆得夠淋，同白蘿蔔好配，口味清新。豬軟骨和牛腩都大大件，柱候味均勻，入口甘甘地好唔錯。最鍾意個黑松露餃子～好香嘅黑松露味，冇落味精👍內裏豬肉爽滑，店家新鮮製作！