金船長餐廳 (已結業)

大角嘴其實都真係好多野食，成日聽人講大角嘴有間西餐廳好正，黑松露pizza好岀名，所以突登黎試下。入到去環境唔錯好闊落，又夠靜，咁入到去二話不說叫個黑松露pizza,咁個pizza個口感唔係真係好似pizzahut果種，唔怕食到好濟，食唔到其他野，黑松露味道好香，加啲沙律菜係面同醋，好fresh好正，黎金船長必食之選。之後叫左個牛肝菌雲吞，鍾意食菌類既人一定會超鐘意，夾埋忌廉汁，好香好滑，極快就清左碟野。咁主菜叫左三文魚排，比目魚排配忌廉汁，咁啲魚好新鮮，唔會有雪味，又煎到好香，外面少少脆，入面啲肉又唔會好老，非常好食。甜品就叫左心太軟，熱辣辣，吉開佢既時候啲朱古力流岀黎真係好幸福既感覺，味道唔會太甜岩岩好，又係必叫之選。飲品就叫左黑牛，呢個無需多講，雪糕加汽水又點會唔正。其實menu重有好多款野食想試例如自選意粉，牛扒，下次一定會再黎食。