金船長餐廳 (已結業)

朋友fb 介紹呢間大角咀金船長，我同朋友去左試下，入到去已經好多食客排隊，餐廳很有情調，較暗，但坐位舒服。店員介紹左推介嘅食物，最後嗌左白酒汁忌廉汁繪紐西蘭青口，黑松露菌醬意式馬斯卡普芝士夾心比薩（6吋），10安士澳洲優質西冷牛扒配紅酒汁，心太軟朱古力布甸！先講推介又我又覺得最好食嘅黑松露pizza，可以有三食法，三種食法都好好食，可以就咁食，好香黑松露味道，又可以配菜夾住食，又另外一個感覺，又可以點提子汁食，很醒胃吾錯，好正，熱熱上碟，又好香口，又好香黑松露味，女仔男仔都喜歡食！白汁青口就不過不失，忌廉白汁都好香，青口較大隻，我反而覺得細隻d滑d好食d，不過都係好味嘅！10安士西冷牛都好好食，嗌左5成熟，食落都幾好，較厚身，肉汁豐富，我係跟薯菜的，有四粒薯仔波波，外面好碎內面係好熱，都幾好食，幾特別！最後心太軟朱古力布甸都幾好食，外觀都好令，上碟都好吸引，朱古力味好濃厚，流心都好食，所以都吾錯！整體嚟講，食物環境服務都好好，吾錯！