蕃滿門 (已結業)

呢間野聽同事講過幾次，今次午餐呢就黎試吓啦。個人覺得選擇都幾多，唔少啦Menu睇落都幾好食。餐牌埋單：68蚊。比完錢之後，等左一陣就有得食啦。個人覺得呢份量係幾多嘅。首先碗蕃茄粉一睇就好多啦，味道係適中嘅，算係有好濃烈嘅蕃茄味。而我個人覺得小辣係唔辣嘅，鍾意辣嘅朋友你可以再要辣啲，咁就會過癮少少。但係中間啲滑蛋呢我就覺得一般般啦。至於佢塊牛扒，我覺得味道也都幾好嘅，唔會無牛味，但係呢就薄左少少，所以食落去個口感就差啲，好似唔係好滿足咁。總括來講我覺得都幾好食嘅，因為九龍灣來講食嘢都唔平，算係咁上下。如果個人覺得鍾意食牛嘅朋友都可以試吓呢一個餐。不過我見到朋友叫嘅雞翼炸豆腐套餐都幾好食，同埋都幾特別。