Oyster Bar & Grill (已結業)

試過幾次到此食lunch，試過佢ｄ卡邦尼意粉、pizza、燒豬脊骨飯。卡邦尼意粉同pizza都好好味。卡邦尼意粉個sauce好好味，好有水準；pizza有驚喜，賣相吸引，而且有8件咁多，個薄底好軟熟，雖然餡料只是芝士同辣肉腸，但感覺都好滿足，連湯或飲品，加一之後$53真係幾抵。我同妹妹每人即場食左2件，帶走4件，回到家再用焗爐焗熱都依然好味。至於燒豬脊骨飯，第一次食好味，個sauce紅紅地又酸酸甜甜，但不是茄汁，我估是用桑子或苺之類的水果做的。而且份量不少，居然有2條豬脊骨，雖然不是好大條，但都好夠食。但第二次食就有d失望，豬脊骨得番一條（比第一次食時大小小的），而最大問題是它的sauce，居然是牛腩汁（還有些牛腩碎的），完全九唔搭八。最好笑的是我朋友叫的是黑椒牛柳粒飯，來的時候真的嚇一跳，因為它不論怎樣看都是一碟牛腩，而食落都真是一碟如假包換的牛腩，個sauce就不是黑椒汁，而是和我碟燒豬脊骨一樣的牛腩汁。總之，來的食物和我們預期的差好遠。拉勻幾次的評分，我覺得這店都不俗的，如果她的水準能保持穩定的話，我覺得都值得推薦給大家。提一提大家，佢分上下兩層的，下面果層由於是行人通道旁的關係