影片
更多
2020-01-15
145 瀏覽
今日喺屯門v city行嗰時，心血來潮想打邊爐，所以就入咗呢間但馬屋，因為我哋兩個人所以都唔係等咗好耐就有位坐。佢有五個湯底可以揀我就揀咗美肌鍋，老公就揀咗千野鍋，係好多鰹魚煮成嘅， 我哋兩個都係揀咗日本產黑毛和牛及北海道夢之大地豚肉放題套餐，分別係309蚊一位再加一。入面有各式各樣嘅材料，分別有蝦丸，墨魚丸，魚蛋，響鈴，芋絲，脆皮腸，貢丸等等。菜方面就有娃娃菜，金菇，雞髀菇，生菜，油麥菜，蓮藕等等， 令我最surprise嘅竟然佢會有埋冰菜， 真係唔係間間火鍋店會有提供。輪到主菜就係日本嘅黑毛和同埋北海道嘅豚肉，第一次食日本嘅黑毛和牛，估唔到係砌到咁薄都仲係咁濃厚嘅牛肉味，基本上都唔使點樣點醬汁都已經好重牛味， 而佢嘅北海道豚肉都係好新鮮，入口好嫩滑，真係食過會返尋味。最後甜品梗係要有個movenpick雪糕做完滿結束，同其他打邊爐有啲唔同，佢呢個唔係獨立包裝，係要自己裝嘅，不過味道不變，一樣咁好食。拎嘢嘅時候大家都好有禮貌，唔會爭先恐後，啲嘢都keep得好乾淨，仲keep住refill. 最令我欣賞嘅係佢個廚房係open kitchen, 你係見到啲員工入面點樣處理啲食物，同埋佢
佢有五個湯底可以揀我就揀咗美肌鍋，老公就揀咗千野鍋，係好多鰹魚煮成嘅， 我哋兩個都係揀咗日本產黑毛和牛及北海道夢之大地豚肉放題套餐，分別係309蚊一位再加一。
入面有各式各樣嘅材料，分別有蝦丸，墨魚丸，魚蛋，響鈴，芋絲，脆皮腸，貢丸等等。菜方面就有娃娃菜，金菇，雞髀菇，生菜，油麥菜，蓮藕等等， 令我最surprise嘅竟然佢會有埋冰菜， 真係唔係間間火鍋店會有提供。
輪到主菜就係日本嘅黑毛和同埋北海道嘅豚肉，第一次食日本嘅黑毛和牛，估唔到係砌到咁薄都仲係咁濃厚嘅牛肉味，基本上都唔使點樣點醬汁都已經好重牛味， 而佢嘅北海道豚肉都係好新鮮，入口好嫩滑，真係食過會返尋味。
最後甜品梗係要有個movenpick雪糕做完滿結束，同其他打邊爐有啲唔同，佢呢個唔係獨立包裝，係要自己裝嘅，不過味道不變，一樣咁好食。
拎嘢嘅時候大家都好有禮貌，唔會爭先恐後，啲嘢都keep得好乾淨，仲keep住refill. 最令我欣賞嘅係佢個廚房係open kitchen, 你係見到啲員工入面點樣處理啲食物，同埋佢會有部機喺度砌啲和牛同埋豚肉，仲見到佢哋入面個地下好乾淨，唔會好似傳統食肆咁，廚房入面好濕好污糟m令你食得安心又放心。
張貼
