金萊餐廳 (已結業)

今日同女朋友係銅鑼灣行街經過見到呢間2層高既茶餐廳不禁停下欣賞因為餐廳裝潢有格調，表面光鮮我地就俾佢吸引左入去試下餐牌有好多選擇，小菜同燒味應有盡有亦提供套餐俾多人聚會時可以更抵食黑毛豬叉燒皇叉燒成日食但黑毛豬做既，真係第一次！好期待結果佢無令我失望之餘，仲比我期望的更美味肉質非常軟淋，完全唔需要用力就可以咬開表皮燒到焦脆，做到神級燶邊加上香甜既叉燒醬好惹味，一碟眨下眼就食哂！金沙蝦球蝦肉爽口彈牙，加上佈滿咸蛋黃既香脆外皮非常開胃好好送飯三檸茶我叫凍檸茶既時候，店員就推薦可以試下店舖獨家既三檸茶有齊檸檬，咸檸，青檸比一般檸茶更有層次清爽開胃推薦！