OPPA韓國燒肉店

營業中

休息中

前幾晚全家去左OPPA韓國燒肉店食韓燒。間鋪比較細，peak hour人多時就坐得比較迫。餐牌款式都幾多，仲有好多款拼盤揀。黑毛豬拼盤有齊西冷扒、五花腩及豬鞍三款豬肉。西冷扒係最好味，肉質最鬆軟。豬鞍就超巨型，但店員會幫手燒同切開，所以唔會燒到狼狽。日本A4和牛肉眼都係靚牛肉，牛味濃郁，燒耐左都唔會變韌。原隻魷魚都好大隻，夠四個人share。而且來貨夠新鮮，有鮮味之餘，亦好爽好彈牙。韓式素菜餃入面包住韓式粉絲，原粒帶子都係心水推介，好厚肉肥美。店員推介我地試韓風炸雞粒，估唔到一盤份量都幾多，炸得外脆內嫩。煎韓式海鮮餅就比較重泡菜味，應該岩鐘意食泡菜味既朋友。點左四罐飲品。