熊拉麵 (蘇杭街)

營業中

休息中

今次食拉麵食到去上環，今次去咗熊拉麵。喺上環地鐵站一出行1分鐘就到。我同女朋友一如以往坐咗係吧枱，今次張凳較高，我哋可以欣賞成個整拉麵嘅過程。我哋太肚餓嘅關係，除咗每人叫咗一碗拉麵之外，仲叫多個迷你叉燒丼。等緊拉麵嘅時候，餐廳提供三種配菜俾你醫下個肚仔先，女朋友差啲食晒成兜芽菜落單紙清晰易明，估唔到叉燒嘅種類都有三種，好吸引！女朋友叫既黑熊拉麵顏色相當吸引，湯底非常濃郁，每一條麵都沾上黑蒜湯底，好惹味。叉燒方面，女朋友揀咗梅頭瘦叉燒，總共兩大片，食落完全唔膩，雖然瘦但入哂味好有口感。麵質方面，我同女朋友都揀咗幼麵，硬度適中，蛋都夠晒流心，真係冇咩可以挑剔，正！食完黑熊就到白熊啦！湯底係濃郁嘅豬骨湯，好飲到差啲飲晒成碗。視覺最受刺激既時候係見到果兩片火炙肥叉燒，又厚又大，食既時侯感覺入口即溶，好神奇兩個拉麵嘅份量都足夠，叫埋個迷你叉燒丼就啱啱好，叉燒嘅份量同飯差唔多，好足料，每一粒叉燒唔會好難咀嚼，好夠稔。最後埋單＄200都唔使，但已經飽到橫唔到腰，呢個價錢食到咁飽又好味，應該得佢一間。