麥當勞

營業中

休息中

上完堂有D肚餓,最岩就去LG5食返杯雪糕架啦~!見麥記出左新野不妨試下呢個就係麥記新出既黑白椰子脆新地,盛惠閣下12蚊。賣相普通，舊雪糕係亂咁"jik"既，未攞上手就冧鬼左,再加埋個劈黑芝麻醬(汁?)同埋兩舊完全唔對稱既椰子脆，令到成兜野睇上去有啲污糟，感覺有少少反胃，雖然食物晤應該只看表面，但係比多幾秒砌靚仔佢，人地食野個心情會好好多囉外表晤多講，食返啖先~黑芝麻醬同雪糕既配搭晤錯!之前都覺得麥記既新地醬不論朱古力定士多啤梨醬太濃太甜，蓋過曬雪糕既味，無可否認黑芝麻醬都係幾甜,不過黑芝麻幾出，食得到少少芝麻應該有既香味同回甘，帶返雪糕奶味返黎，配搭一流雪糕食曬，試埋個椰子脆，批皮因為晤知咩原因糯曬(比雪糕浸太耐定放係到太長?)，又冇咩味道，麻麻，晤好食。反而我幾鍾意個餡淡淡甜味，富椰子香，簡簡單單就是美。食過蘋果批紅豆批香芋批，晤係死甜到頸渴就係肉桂味太重(蘋果批無蘋果味，失敗!)，喧賓奪主。總括而言，食就值得再食既，不過我會比多三蚊分開買(椰子脆+新地)，起碼批皮晤糯。