一芳台灣水果茶 (已結業)

今日喺美麗華行街，經過一芳水果茶，之前見過但冇機會飲，今日終於可以試下。其實唔知飲咩好，見佢地有大個牌賣黑糖粉圓鮮奶，聽落幾吸引，就買咗一杯中杯裝試下。不過呢杯係冇得減糖減冰嘅。人唔多，大概等咗10分鐘就有。真係唔係講笑，呢杯野堅好飲。啜一啖，第一時間飲到濃濃黑糖嘅味道，跟住就係鮮奶味，兩者混埋原來好夾。入面嘅粉圓好似珍珠咁，細滑彈牙，比一般珍珠奶茶嗰啲好食。飲飲吓覺得已經上咗癮，早知買杯大嘅啦。下次要試其他味道！