幸福堂 (已結業)

黑糖珍珠鮮奶 $30開張第二日就去試一試，人龍都幾長，但比想像中快，連埋拎到杯嘢飲大概用咗40分鐘。好嘅地方係，落單後很快就有得拎，因為佢地不停地整定！最上層有黑糖被火槍燒過嘅痕跡，杯邊有「幸福紋」，最底就是黑糖珍珠。第一啖飲落去，即刻飲得出係明治個隻牛奶，呢一款黑糖珍珠鮮奶只能用飲管搞匀，唔可以上下搖的！搞匀後，更覺黑糖味少，感覺牛奶同黑糖分開咁。幸福堂嘅門口就可以見到有店員人手抄黑糖，再倒入杯內，雖則如此，但似乎味道方面旁邊那家較優勝。