沐白小農 (已結業)

之前係荃灣經過都多人等，今次見尖沙咀新開分店，即刻買黎飲下。見店內宣傳相介紹沐白小農用的是天然食材、無添加，大部份飲品都用小農鮮奶，亦用天然蔗糖或天然蜂蜜。比起荃灣店，呢度更大更舒適，有坐位供客人休息飲野，還非常貼心備有充電插位。這8款飲品最受觀迎，其中的黑糖波霸鮮奶、大甲芋頭鮮奶更加是必點飲品，所以今次同朋友都點左呢2款。黑糖波霸鮮奶，杯上密封好，外帶也很方便。飲品的黑糖花紋都好靚，底部的是滿滿的珍珠，飲前要搖勻，甜味的黑糖撞入香滑鮮奶，味道好balance。店員介紹是用台灣的黑糖煮珍珠2小時，所以好入味，特濃的黑糖味帶甜甜香味，珍珠也煙韌彈牙，與味道清爽不膩的小農鮮奶混合，甜度亦剛好，比一般珍奶更清爽不膩。大甲芋頭鮮奶，用了鮮奶及大甲芋各一半，其中芋頭更有芋頭粒及芋蓉，口感豐富味道濃郁。用了台灣的大甲芋頭，其肉質細膩，且黏滑粉質高，所以飲落好夾鮮奶口感。飲到有一粒粒的芋頭肉，仲有綿密滑溜的芋蓉，拌勻小農鮮奶，亦散發芋頭香氣，甜度亦剛好。珍珠紅茶拿鐵，味道係比一般奶茶更香更清爽，比珍奶又多份茶味甘香，呢個組合都好夾好好飲。珍珠Q彈，鮮奶與紅茶拌勻，奶茶味突出，飲完亦唔膩。