雲石小姐 (已搬遷) 新店位置

妹妹生日，又要諗下去邊度買生日蛋糕，大型連鎖店嘅生日蛋糕食到有啲厭，就想試下新嘢，妹妹又係鍾意飲珍珠奶茶，上網見到尖沙咀嘅雲石小姐有珍珠奶茶蛋糕！買嚟試下先！雲石小姐其實係山林道，原來之前曾經喺葵涌廣場開過店，曾經係葵涌友的我難怪對雲石小姐更加感到親切。店舖細細但係呢度係一片花海，相信好適合女孩子打卡影相。今次訂左4吋黑糖珍珠雪崩蛋糕，細細個，可以一餐食哂， 唔需要擔心口感。表面係伯爵茶味mousse， 入面係超鬆軟戚風蛋糕， 食之前將黑糖珍珠倒上蛋糕面，然後將膠片向上一拉就會有雪崩嘅感覺。妹妹好鍾意呢個蛋糕，因為呢個蛋糕唔甜唔膩亦都好香茶味，珍珠又彈牙！下次要嚟試下雲石蛋糕先！