大卡司 (登打士街) (已結業)

大卡司賣嘅黑糖珠珠係最合我心意嘅黑糖珍珠鮮奶之一，我見到佢係用維記鮮奶唔係用奶精溝水，真材實料，用天然食材，值得一讚，顧客都食得安心。呢次係我第二次飲黑糖珠珠，我叫少冰，唔想太多冰溶左溝淡杯黑糖奶。我推介黑糖珠珠因為佢黑糖味道非常濃郁，掛杯好靚。黑糖珍珠好煙韌彈牙，大細軟硬適中，一邊咀嚼一邊滲出陣陣嘅黑糖甜味，同鮮奶味道互相輝映。二十幾元買到一杯品質好嘅黑糖珍珠鮮奶嚟飲真係唔錯，遲啲再嚟旺角一定會再買肥仔水加仙草試下！