影片
更多
2018-10-09
134 瀏覽
渣甸街近來非常熱鬧，因為好多台式珍珠奶茶進駐～令到平時唔多人嘅街突然好似雨後春筍一樣開咗好多小食同埋台式飲料店～記得幾個月前呢間老虎堂新開～風頭一時無兩～個個都話要等成至少一個鐘先可以飲到～港女如我雖然好想試，但係又唔想大熱天時去排隊，所以一直都無去試到，只係成日得個講字～踏入十月，終於秋涼！機會來啦！搵個星期日早少少去銅鑼灣睇下係咪會少啲人先～皇天不負有心人（到底你有心在那裡...)只係得十幾人排隊買！比起平時嘅人龍少好多！唔理！立即去馬！叫杯虎虎生風厚鮮奶先~本來想叫佢招牌嘅珍珠奶茶，但係又比呢杯黑糖波霸+珍珠嘅虎虎生風厚鮮奶吸引咗～佢寫到明有鮮奶又有奶霜～好迷幻～而且我個人又鐘意重奶味，所以就叫呢 杯啦～大約等咗十五分鐘就有得飲啦～係counter度有教你點飲嘅～首先係相機食先，之後上下搖動15下就可以啦點解叫老虎堂呢就係因為佢個黑糖會係杯嘢飲度撞出一條條嘅虎紋..似唔似虎紋呢就見仁見智....可能我呢杯要加多少少幻想力先覺得佢係虎紋啦～不過唔緊要！最緊要係好唔好味～搖咗15下之後試一口奶茶，黑糖味好重，覺得比較偏甜～店家話自己係用日本明治鮮奶～呢隻鮮奶本身奶味比較淡～所以可以突
記得幾個月前呢間老虎堂新開～風頭一時無兩～個個都話要等成至少一個鐘先可以飲到～港女如我雖然好想試，但係又唔想大熱天時去排隊，所以一直都無去試到，只係成日得個講字～
踏入十月，終於秋涼！機會來啦！搵個星期日早少少去銅鑼灣睇下係咪會少啲人先～皇天不負有心人（到底你有心在那裡...)只係得十幾人排隊買！比起平時嘅人龍少好多！唔理！立即去馬！
叫杯虎虎生風厚鮮奶先~本來想叫佢招牌嘅珍珠奶茶，但係又比呢杯黑糖波霸+珍珠嘅虎虎生風厚鮮奶吸引咗～佢寫到明有鮮奶又有奶霜～好迷幻～而且我個人又鐘意重奶味，所以就叫呢 杯啦～
大約等咗十五分鐘就有得飲啦～係counter度有教你點飲嘅～首先係相機食先，之後上下搖動15下就可以啦
虎虎生風厚鮮奶
$30
43 瀏覽
1 讚好
0 留言
點解叫老虎堂呢就係因為佢個黑糖會係杯嘢飲度撞出一條條嘅虎紋..似唔似虎紋呢就見仁見智....可能我呢杯要加多少少幻想力先覺得佢係虎紋啦～不過唔緊要！最緊要係好唔好味～
搖咗15下之後試一口奶茶，黑糖味好重，覺得比較偏甜～店家話自己係用日本明治鮮奶～呢隻鮮奶本身奶味比較淡～所以可以突出返個黑糖味～有個中和感～另外值得一提係佢成杯嘢做得飲落比較有質感唔係水稀稀嘅感覺～呢樣值得一讚，如果唔係好易會變成奶水咁樣好奇怪～
之後試一試佢嘅波霸加珍珠～雖然佢之前被踢爆唔係手工炒珍珠，但係我覺得啲珍珠粒粒都好重黑糖味同埋好煙un！overall成杯嘢比較偏甜少少，但係間唔中一杯都唔錯！
相比之下，隔離幸福堂唔知點解反而無咩人飲...下次試下隔離嘅幸福奶茶先~
張貼
