影片
更多
2021-06-25
3112 瀏覽
因為響W酒店Staycation體驗中會有消費額關係，小編就與老公去享受下唔同餐廳既美食，而整個Staycation最令我地深刻既餐飲，就係WOOBAR今次既黑松露下午茶。黑松露所散發出黎既味道其實好因人而異，見到唔少響Openrice既食家食完後有比較負面既感覺，原本都令小編響預約個陣都有猶豫，不過今次響WOOBAR既下午茶就令我有唔少既驚喜。首先講講地理位置先，餐廳位於酒店大堂既登記入住櫃檯附近；由於酒店大堂於酒店6樓既關係，大家一出升降機直行就會見到喇! 餐廳樓底非常高，完全唔駛擔心傾計個陣會令你有焗促而嘈吵既感覺。價錢方面，雖然2人用既下午茶係$688+10%，但其實大家可以響官網選購餐飲劵後再訂位，價錢上會有折扣 (但小編因為Staycation既消費額而無得享用折扣了)。大家可能會留意到星期六日既價錢會特別貴，但其實響週末既下午茶都會包括2杯香檳等你可以更舒服咁同朋友一齊享用下午茶。入座後無耐就會有員工專業既拎住香檳為大家準備。大家響享用香檳後大約20分鐘左右，黑鑽松露下午茶既餐盒就正式上枱喇! 最令小編深刻既就係佢地會用個精緻既木盒會裝住所有食物，以營造一個高級既感覺。坦
黑松露所散發出黎既味道其實好因人而異，見到唔少響Openrice既食家食完後有比較負面既感覺，原本都令小編響預約個陣都有猶豫，不過今次響WOOBAR既下午茶就令我有唔少既驚喜。
首先講講地理位置先，餐廳位於酒店大堂既登記入住櫃檯附近；由於酒店大堂於酒店6樓既關係，大家一出升降機直行就會見到喇! 餐廳樓底非常高，完全唔駛擔心傾計個陣會令你有焗促而嘈吵既感覺。
價錢方面，雖然2人用既下午茶係$688+10%，但其實大家可以響官網選購餐飲劵後再訂位，價錢上會有折扣 (但小編因為Staycation既消費額而無得享用折扣了)。
大家可能會留意到星期六日既價錢會特別貴，但其實響週末既下午茶都會包括2杯香檳等你可以更舒服咁同朋友一齊享用下午茶。入座後無耐就會有員工專業既拎住香檳為大家準備。
大家響享用香檳後大約20分鐘左右，黑鑽松露下午茶既餐盒就正式上枱喇! 最令小編深刻既就係佢地會用個精緻既木盒會裝住所有食物，以營造一個高級既感覺。坦白講雖然木盒都幾佔用空間，但用黎打卡既話的確更幾好!
下午茶總共包括5款咸點﹑5款甜點以及每人1件既鬆餅 (的確以鬆餅既數量計會比較少)。等小編嘗試傳達一下對每款食物既感覺俾大家睇啦：1) Beef-Root tartar with truffle snow：好好味! 雖然佢係以肉類既撻為主要材料，但因為以tartar形式去製作，所以肉入面其實係帶有酸汁，令你食個陣完全唔油膩，甚至作為下午茶既開胃食物係最好不過!
2) Kaviari scallop rillettes, lobster, crab and ikura tartelette：好好味! 顧名思義就係以龍蝦﹑蟹肉，再配以魚子粒去製作既海鮮撻，雖然蟹肉等既份量唔算多，但勝左魚子新鮮，令你響口入面咀嚼個陣都會食到鮮味，而唔會因為蟹肉等可能唔夠撻皮味道重而有喧賓奪主既感覺。
3) Deconstrcuted egg sandwich with fresh truffle: 好味! 好多時響一般既下午茶會見到類似雞蛋三文治既物價，但響WOOBAR佢地就將雞蛋打蓉再以類似沙律形式放入蛋殼內，食個陣其實都係類似蛋沙律既味道，唔算有太大驚喜。
4) Cheese & mushroom arancini with truffle sauce：類似炸釀芝士既菜式。唔好以為食落去一定會好油膩，但其實入面都釀入唔少既切碎磨菇粒，所以令你食個陣唔會有太強炸既味道，而小編絕對推薦點住下面既松露醬食，會香口好多架!
5) W truffle comte cheese macaron：邊個話馬卡龍一定係甜呢! 呢款Macaron就係利用芝士去製作內餡，食個陣係偏向咸而微微帶有松露既香味。如果平時嫌棄馬卡龍太甜既朋友，小編絕對推薦你試下!
6) Truffle honey panna cotta with blackberries：還可以。本身小編唔太喜好Panna Cotta既甜味 (尤其用莓醬作伴)；不過呢款Panna Cotta以藍莓粒作伴，而同時布甸以蜜糖去調味，所以食個陣會有陣陣既蜜香，而同時因為藍莓關係而覺得口感好清新。
7) Spring sakura cream puff: 呢款係其中1款無松露成份既甜品，泡芙係偏向淋身，但反而上面既類似朱古力皮係硬身去承托住入面既Cream，食個陣又硬又軟都幾得意。
8) "Drunken Cherry" black forest tart: 推薦! 表面簡單既櫻桃，其實已經被長時間浸於威士忌下，食落去有濃烈既酒香，而同埋黑森林蛋糕撻一齊食，就令你響濃烈既朱古力味道再加深!
9) Wild strawberry pavlova with fresh truffle: 小編理解類似蛋白既脆脆面上，豪爽既加入松露絲，以及簡單既士多啤梨切片，食個陣可以嘗試慢慢感受松露絲既香味，然後再同蛋白脆脆一齊食，各食材之間幾平衡，唔會搶奪太多味道。
10) "Truffle hunting" dark chocolate truffle: 簡簡單單既松露朱古力，原意應該係收藏於朱古力既"泥土"下由大家發掘出黎，但我估可能之前有客人因為誤以為被消失而唔開心，所以店員於食物上枱時都特別提及松露朱古力係可以連附近既朱古力一齊拎走去享用。
整個下午茶體驗，最令小編窩心既，係因為餐廳響較早前與酒店既Email來往留意到老公生日，而特登製作生日蛋糕作為驚喜! 員工送上時並非只係放低，而係有同老公祝賀並唱生日歌。小編都無諗過情況下覺得好驚喜，亦都多謝WOOBAR既安排。
蛋糕係蛋白脆脆蛋糕，簡單得黎又唔會因為太大份食唔哂而造成浪費，最緊要都係員工既心意同蛋糕旁既生日訊息，足以令小編覺得對W酒店既印象分加左唔少! 綜觀黎講：食物質素唔錯固之然重要，而餐廳內員工與客人間既溝通，以及佢地既細心都足以令小編會繼續考慮光顧喇!
題外話/補充資料：
由於WOOBAR既下午茶會因應唔同季節會有主題上既轉變，以小編所知由6月頭開始已經轉變成夏季主題，所以大家響訂座前可以先去W酒店既官網睇睇佢最新既主題餐飲再作考慮。
(以上食評乃用戶個人意見 , 並不代表OpenRice之觀點。)
張貼
