金記冰室 (置富南區廣場) (已結業)

難食到極。黑面男經服務認真無得頂。餐蛋治有味精。塊白面包又薄又霉。焗豬扒飯塊豬扒硬過鐵板。咖啡係用磨豆機沖但係重差過茶餐廳。老人家叫湯通粉但係唔俾湯羹，叫個黑面男經理攞佢竟然俾支茶羹我。老人家等到碗湯通粉啲湯乾咗大半碗佢都未拎到支湯羹嚟。火都嚟埋我自己起身問其他員工攞。個黑面男經理用佢最大嘅聲線呼喝我要帶返個口罩唔好就圍走。我問佢攞支湯羹使唔使10分鐘。佢話因住我俾人罰錢喎。最後佢好唔耐煩咁囉咗支湯羹俾哦。真係唔該晒佢。食咗半個鐘見到個黑面男經理出去同幾個廚房佬煲煙。我唔介意佢哋煲煙因為係佢哋自己個人興趣（癌症喎害佢哋知）。我最介意係個黑面男經理煲完煙之後唔洗手就係樓面繼續做嘢。有無搞錯！這次經驗話俾大家知金記冰室係唔可以再幫襯㗎。