影片
更多
2023-02-16
357 瀏覽
點心放題連加一茶芥，90分鐘任叫任食，諗住每人都係兩百唔洗，全場滿座，原本滿心期待。但原來仼叫的點心紙同散叫嘅點心紙係不同的，而且款式係極少及普通。如果知道仼食係得咁少款，唔會選呢間。坐低咗之後即刻俾點心紙一位應該係部長的阿姐落單，而佢落完單後係需要俾返張點心紙我哋，因為第二次落單都需而用返同一張點心紙。由於等咗15分鐘都冇俾返張點心紙我哋，而全部食物亦都一直未有，於是就叫阿姐跟進，佢口黑面黑，唔多想理我地。食到咁上下收碟既時候，態度仲差，叫了幾次先肯收，又話隻碟仲有野，唔可以食淨野，仲一邊收一邊鬧。行到大老遠都仲啤住我地。好似唔想人食放題咁。俾佢咁搞乜心情都無晒。而且佢無掛名牌，想投訴都唔得。但其他職員的態度係好正常既。講番食物，上菜有漏單情況。食物同普通酒樓差不多，無乜驚喜。豬手，准山，糖水，都幾好食。燒賣，炸鮮奶，正常。炸魷魚鬚，乾到阿媽都唔認得。蘿蔔糕，唔好食。餃類食品啲皮好厚；腸粉皮長，變相食落好厚。好似想食飽人咁。灌湯餃一人一份，送既，好重胡椒粉味，有啲奇怪。總結，食物未至於好食到要忍受服務員既臭脾氣，除非你係熟客仔
但原來仼叫的點心紙同散叫嘅點心紙係不同的，而且款式係極少及普通。如果知道仼食係得咁少款，唔會選呢間。
坐低咗之後即刻俾點心紙一位應該係部長的阿姐落單，而佢落完單後係需要俾返張點心紙我哋，因為第二次落單都需而用返同一張點心紙。
由於等咗15分鐘都冇俾返張點心紙我哋，而全部食物亦都一直未有，於是就叫阿姐跟進，佢口黑面黑，唔多想理我地。
食到咁上下收碟既時候，態度仲差，叫了幾次先肯收，又話隻碟仲有野，唔可以食淨野，仲一邊收一邊鬧。行到大老遠都仲啤住我地。好似唔想人食放題咁。俾佢咁搞乜心情都無晒。
而且佢無掛名牌，想投訴都唔得。但其他職員的態度係好正常既。
講番食物，上菜有漏單情況。
食物同普通酒樓差不多，無乜驚喜。
豬手，准山，糖水，都幾好食。
燒賣，炸鮮奶，正常。
炸魷魚鬚，乾到阿媽都唔認得。
蘿蔔糕，唔好食。
餃類食品啲皮好厚；腸粉皮長，變相食落好厚。好似想食飽人咁。
灌湯餃一人一份，送既，好重胡椒粉味，有啲奇怪。
總結，食物未至於好食到要忍受服務員既臭脾氣，除非你係熟客仔
張貼
