影片
更多
2023-08-05
2104 瀏覽
作為金鐘上班族，想慳家就自備午餐。節日慶祝或者老闆心血來潮請食好野，亦只會揀高價同靚餐廳一齊嘆世界。每次經過依間Simplylife，由未夠12點到2點幾，總係排長龍。今日難得家人探班，時間仲係11點45分，終於試一次金鐘版Simplylife！先講個人揀餐廳，一直都好睇重服務態度︰Simplylife 帶位小姐相對正常；點餐男侍應雖然黑面，但都算有對答、有反應；上餐、收餐、送餐飲3位女侍應黑面就不在話下，問一個半個問題都完全唔理唔應加聽唔到，勁！難度請佢哋返工只做送餐，而不包接待食客嗎！?食物方面，附加餐湯 - 甘荀濃湯配法包︰將甘荀打碎煮成湯，質地濃稠再加少許軟身甘荀粒，味道清新又無草青味，開胃唔膩。法包烘暖外脆內軟，外皮鬆脆唔硬。包身鬆軟綿密，氣孔平均分佈，帶有輕微酵母香，沾滿甘荀湯後更加突出烘烤香！只需附加 $10 就有以上兩種餐前開胃菜，絕對值得。主菜 - 烤美國春雞半隻、香草烤薯、翠玉瓜︰半隻春雞體積相當大啊，份量十足，性價比中高。雞味濃、烤烘後肉汁仍然保留；薄薄一層雞皮烤成脆身，帶少許雞油，邪惡之食；雞腿肉鮮嫩滑身，胸肉烤得有點乾柴。配菜有用心製作，青黃兩款翠玉瓜脆軟兼備
每次經過依間Simplylife，由未夠12點到2點幾，總係排長龍。今日難得家人探班，時間仲係11點45分，終於試一次金鐘版Simplylife！
先講個人揀餐廳，一直都好睇重服務態度︰Simplylife 帶位小姐相對正常；點餐男侍應雖然黑面，但都算有對答、有反應；
上餐、收餐、送餐飲3位女侍應黑面就不在話下，問一個半個問題都完全唔理唔應加聽唔到，勁！難度請佢哋返工只做送餐，而不包接待食客嗎！?
食物方面，附加餐湯 - 甘荀濃湯配法包︰
將甘荀打碎煮成湯，質地濃稠再加少許軟身甘荀粒，味道清新又無草青味，開胃唔膩。
法包烘暖外脆內軟，外皮鬆脆唔硬。包身鬆軟綿密，氣孔平均分佈，帶有輕微酵母香，沾滿甘荀湯後更加突出烘烤香！
只需附加 $10 就有以上兩種餐前開胃菜，絕對值得。
甘荀濃湯配法包
$10
23 瀏覽
0 讚好
0 留言
主菜 - 烤美國春雞半隻、香草烤薯、翠玉瓜︰
半隻春雞體積相當大啊，份量十足，性價比中高。
雞味濃、烤烘後肉汁仍然保留；薄薄一層雞皮烤成脆身，帶少許雞油，邪惡之食；雞腿肉鮮嫩滑身，胸肉烤得有點乾柴。
配菜有用心製作，青黃兩款翠玉瓜脆軟兼備；烤新薯外皮微脆、調味濃郁，薯肉中間粉嫩軟糯。
烤美國春雞半隻、香草烤薯、翠玉瓜
$108
32 瀏覽
0 讚好
0 留言
全日早餐︰
用料充足，香烘厚切多士，外脆內軟；炒蛋未經調味以突出微微蛋香，要自行加胡椒鹽；
兩片厚質煙肉偏向脂肪感，肉嘅部份只有1/3非常少，但煎烤時間做得唔錯，有脆邊；
德國白肉腸大條粗身，肉質豐富，腸衣爽脆唔油膩；
其他配料蘑菇、焗豆，烤蕃茄片只係基本野。
All day breakfast
$108
141 瀏覽
0 讚好
0 留言
總結︰
只為食物味道的話，坐落金鐘性價比算中高。如果對環境、服務態度有要求之人，就要考慮下接唔接受到了。
題外話/補充資料：
會員都係無禮貌地黑面。
(以上食評乃用戶個人意見 , 並不代表OpenRice之觀點。)
張貼
