拳王泰國餐廳 (已結業)

朋友難得回港一次，一個月前訂好台，諗住試下"主題餐廳"，期待下。野食麻麻，唔值個價。個冬陰公湯一致認為淡同酸。咖喱得奶味，完全唔想食。只係電視連續播泰拳比賽，加個沙包，就可以叫主題餐廳…………桌之間好逼好窄。冇所謂的泰感覺。埋單時話用個app(主菜買一送一)。用左大半年都從來冇一間餐廳話要"一早講左先可以用"。結果3個女侍應一齊黎話我知呢件事，理由係"公司規矩""系統改唔到價錢"。已經好想走埋去show 俾佢睇點點樣用系統改價錢; 好想同佢一齊睇下個app, 寫到明"只需結賬時出示",不過，朋友難得番黎一次，唔想破壞氣氛。真心講句，唔想人用，你就唔好參加個app 吧。