影片
更多
2011-11-26
31 瀏覽
突襲過後, 當然係食甜品, 而甜品呢樣野, 當然係大聲強項, 加上喺佢自己地頭同埋早有準備, 就帶住肥鄧, 串爆同吹雞去到呢間食店前, 大聲話呢間食店係新開的, 加上好評如潮, 所以點都要試下! 去到門口再望下個餐牌, 啲食物都幾吸引, 不過其實當時都已經食到幾飽, 忽然就聽到以下對話……肥鄧: “串爆, 不如share一份啦!”串爆: “好喎…”大聲突然插咀: “你地share啦, 我自己要一份! 呢一段對話發現大聲突然間仿似小孩子一樣天真, 一點霸氣都冇晒! 之後就一齊入去食店, 坐低後就睇下有咩吸引先, 最後肥鄧同串爆就要左口爽爽, 當然係兩個人分一份啦, 至於大聲就揀左紅綠花, 吹雞就柯打左黑咕嚕! 口爽爽主要係涼粉配西米露, 而紅綠花就係綠茶雪糕配豆腐花, 雖然兩款都冇試過, 不過賣相真的非常精緻, 齋睇都已經極吸引! 至於黑咕嚕就由朱古力雪糕配上咖啡果凍, 再加上朱古存脆脆, 賣相一樣精緻非常, 入口發覺咖啡果凍嘅咖啡味勁香, 果凍軟熟, 朱古力雪糕嘅朱古力夠香, 不過最特別莫過於朱古力脆脆, 怕因入口真係卜卜脆, 喺成個甜品咁軟熟中竟然有少少脆卜卜嘅東西, 份外得意, 唯
去到門口再望下個餐牌, 啲食物都幾吸引, 不過其實當時都已經食到幾飽, 忽然就聽到以下對話……
肥鄧: “串爆, 不如share一份啦!”
串爆: “好喎…”
大聲突然插咀: “你地share啦, 我自己要一份!
呢一段對話發現大聲突然間仿似小孩子一樣天真, 一點霸氣都冇晒! 之後就一齊入去食店, 坐低後就睇下有咩吸引先, 最後肥鄧同串爆就要左口爽爽, 當然係兩個人分一份啦, 至於大聲就揀左紅綠花, 吹雞就柯打左黑咕嚕!
口爽爽主要係涼粉配西米露, 而紅綠花就係綠茶雪糕配豆腐花, 雖然兩款都冇試過, 不過賣相真的非常精緻, 齋睇都已經極吸引! 至於黑咕嚕就由朱古力雪糕配上咖啡果凍, 再加上朱古存脆脆, 賣相一樣精緻非常, 入口發覺咖啡果凍嘅咖啡味勁香, 果凍軟熟, 朱古力雪糕嘅朱古力夠香, 不過最特別莫過於朱古力脆脆, 怕因入口真係卜卜脆, 喺成個甜品咁軟熟中竟然有少少脆卜卜嘅東西, 份外得意, 唯一扣分就係略甜少少, 如果可以減少少甜度, 相信必會更吸引!
總括黎講甜品質素都頗佳, 甚為吸引, 環境清靜, 地方唔算大, 價錢唔算貴, 每一份甜品都唔過三十蚊, 埋單七十四, 都幾抵食! 如果唔係大聲帶隊, 相信未必會知度有間甜品店, 而大家都係第一次黎呢間食店, 加上作為黑食會嘅結尾真的非常完美, 所以笑臉係一定要比, 有機會都會再黎!
張貼
