影片
更多
2012-01-13
150 瀏覽
黑食會前前後後都攪左六次, 而肥鄧, 串爆, 吹雞同大聲亦先後揸過莊, 一個循環之後理應再次輪到肥鄧, 點知串爆忽然爆一句想食肉骨茶, 喺咁嘅情況下肥鄧決定過莊比串爆, 所以是次揸弗人就係串爆! 而串爆心儀左呢間食店嘅肉骨茶好耐, 所以最後決定黎呢間食店, 亦為黑食會之第二循環揭開序幕!用串爆名義留定枱, 吹雞同肥鄧早少少到左門口, 已經見人山人海, 但店內真係有張四人枱預留了, 等埋串爆先至行入去, 坐底一陣大聲亦出現了; 既然人齊了當然要落單, 一口氣就柯打左巴東羊肉, 馬來沙爹雜錦, 福建炒麵, 油鬆餅, 薯仔薄餅, 當然唔少得肉骨茶啦, 四個人揀左個細! 落完單等左一陣, 首先登場就係串爆最心儀嘅肉骨茶, 雖然係揀左細的肉骨茶, 但經侍應細心分贓後, 份量就剛好足夠四個人, 店方好明顯係驚四大內訌, 所以擺定條友喺度啦! 先試肉骨茶, 講真肉骨茶點樣先叫好, 真係唔多識, 不過呢碗肉骨茶就確實討好, 皆因湯夠清味道甜, 而藥味都幾濃但又唔會好似碗藥咁, 有藥香而冇藥味 洽到好處來形容就最貼切不過; 配上豆卜夠腍, 肉亦鬆軟, 加少少油炸鬼脆脆地, 非常好味, 呢道肉骨茶絕對係必
用串爆名義留定枱, 吹雞同肥鄧早少少到左門口, 已經見人山人海, 但店內真係有張四人枱預留了, 等埋串爆先至行入去, 坐底一陣大聲亦出現了; 既然人齊了當然要落單, 一口氣就柯打左巴東羊肉, 馬來沙爹雜錦, 福建炒麵, 油鬆餅, 薯仔薄餅, 當然唔少得肉骨茶啦, 四個人揀左個細!
落完單等左一陣, 首先登場就係串爆最心儀嘅肉骨茶, 雖然係揀左細的肉骨茶, 但經侍應細心分贓後, 份量就剛好足夠四個人, 店方好明顯係驚四大內訌, 所以擺定條友喺度啦! 先試肉骨茶, 講真肉骨茶點樣先叫好, 真係唔多識, 不過呢碗肉骨茶就確實討好, 皆因湯夠清味道甜, 而藥味都幾濃但又唔會好似碗藥咁, 有藥香而冇藥味 洽到好處來形容就最貼切不過; 配上豆卜夠腍, 肉亦鬆軟, 加少少油炸鬼脆脆地, 非常好味, 呢道肉骨茶絕對係必食之選!
邊吃肉骨茶, 其他嘅食物亦相繼登場, 沙爹雜錦講到好似好多, 其實就淨係有雞肉同牛肉, 仲要係每樣兩串, 結果四條友一人一串, 所以就揀左雞串, 雞肉外層燒得香脆, 而肉身就好滑, 加上沙爹香而不辣, 都幾惹味; 福建炒麵賣相就油少少, 不過入口一啲都唔油, 反而咸少少, 而炒麵配料本身有蝦, 魚片等做配料, 麵身彈牙, 可以一試但並非必食之選!
最後巴東羊肉嘅羊肉非常之腍身, 可惜酥味欠奉, 如果能再酥少少, 相信會更加吸引, 至於巴東汁夠香帶微辣, 所以非常惹味, 連同油鬆餅一齊食, 堪稱絕配; 加上油鬆餅鬆軟唔油, 所以真係好正; 就算薯仔薄餅亦甚有水準, 薯仔蓉唔太乾身, 加上薯味香濃, 掂呀!
總括黎講食物水準真的不俗, 地方就逼少少, 不過都算幾清潔, 服務亦十分友善, 四條友埋單三七二, 一人都唔使一舊, 咁嘅水準, 絕對抵食! 串爆揀呢一間咁出名嘅食店真係非常穩陣, 一黎可以安撫下肥鄧, 大聲同吹雞, 二黎又可以滿足一己私慾, 一石二鳥, 果然高招! 是次黑食會之搶莊非常成功, 所以笑臉係值得一比, 有機會一定會再黎, 順便同靚仔南打個招呼!
張貼
