影片
更多
2011-11-12
1132 瀏覽
黑食會前後都舉辦左四次, 而肥鄧同串爆先後揸莊, 終於輪到吹雞, 既然可以揸莊, 我吹雞當然要落區, 乘機睇下啲檔口撐唔撐我吹雞, 所以唔使諗好耐就已經鎖定左四川串燒佬為攻打對象! 響朵訂位一定走唔甩, 不過最重要都係想留番張靚枱啫!為左做得好好睇睇, 當日決定一早就閃, 落區兜下, 順便睇下有冇好野; 仲記得串爆兩個幾星期前話過想食蛇, 於是見仲有時間, 就撩下串爆不如先食碗蛇, 至再去搵四川佬! 當串爆聽到呢個建議, 直頭用行動黎支持, 由九龍灣飛的黎佐敦, 可見佢對蛇有幾大仇口! 由於事出突然, 所以大聲未能趕及蛇會, 但肥鄧和串爆已經促勢待發, 於是吹雞帶路揀左呢間蛇竇, 其實之前都未黎過, 不過見到呢啲老店企左咁多年, 應該都唔少料, 三條友就行左入去! 入到蛇竇, 人亦唔少, 不過老闆見到我吹雞, 即刻拿拿聲安排入座! 由於仲有下場, 所以三個人決定柯打兩碗細蛇, 再加一碗糯米飯!等嘅時間唔使好耐, 兩碗細蛇就已經擺左喺面前, 象徵式分下贓, 咁就兩碗變三碗, 由於對蛇嘅興趣始終唔太大, 所以已經有好多年冇食過, 是次入黎亦勾起好多童年回憶! 細蛇羹味道都幾討好, 不過由細
為左做得好好睇睇, 當日決定一早就閃, 落區兜下, 順便睇下有冇好野; 仲記得串爆兩個幾星期前話過想食蛇, 於是見仲有時間, 就撩下串爆不如先食碗蛇, 至再去搵四川佬! 當串爆聽到呢個建議, 直頭用行動黎支持, 由九龍灣飛的黎佐敦, 可見佢對蛇有幾大仇口!
由於事出突然, 所以大聲未能趕及蛇會, 但肥鄧和串爆已經促勢待發, 於是吹雞帶路揀左呢間蛇竇, 其實之前都未黎過, 不過見到呢啲老店企左咁多年, 應該都唔少料, 三條友就行左入去! 入到蛇竇, 人亦唔少, 不過老闆見到我吹雞, 即刻拿拿聲安排入座! 由於仲有下場, 所以三個人決定柯打兩碗細蛇, 再加一碗糯米飯!
等嘅時間唔使好耐, 兩碗細蛇就已經擺左喺面前, 象徵式分下贓, 咁就兩碗變三碗, 由於對蛇嘅興趣始終唔太大, 所以已經有好多年冇食過, 是次入黎亦勾起好多童年回憶! 細蛇羹味道都幾討好, 不過由細到大食蛇羹時始終唔知邊忽係蛇肉, 鬼咩, 成碗有咁多料, 是次亦乘機問下肥鄧, 經佢老人家講解後即刻明晒, 講真呢碗細蛇嘅蛇肉似乎少啲, 蛇都冇咩特別, 至少唔會有怪味, 另一樣值得讚係肉絲唔乾唔韌, 接受到!
食食下, 碗糯米飯亦同時登場, 糯米飯賣相幾靚, 而且勁香, 入口發覺飯身唔夠乾身, 所以冇左爽口嘅感覺, 如果再要彈下的話, 就係糯米飯嘅配料亦唔太足, 如果可以再多啲料, 應該會更加吸引!
總括黎講細蛇同糯米飯嘅水準亦可以接受, 蛇竇地方唔算大, 衛生亦算乾淨, 價錢亦算合理, 三十蚊一碗細蛇, 二十蚊一碗糯米飯, 埋單八十, 每人二十七蚊, 都可以啦! 臨時加插食蛇環節, 亦為吹雞揸莊嘅黑食會拉開聚幕, 眼見串爆同肥鄧都冇咩意見, 呢間蛇竇都應該收貨, 笑臉可以一比, 再翻啅就要睇緣份!
張貼
