和風食品(香港)和牛專門店

營業中

休息中

好有趣！朋友話 #駱駝漆 有間專賣fozen 餃子嘅小店有現場即買即食服務，第一次體驗覺得好似去咗日韓台嘅水產市場，同樣係即點即製！忍唔住都要小牢騷，駱駝漆真係好鬼熱鬧，每次嚟到都要預10至15分鐘排隊等𨋢！大家嚟揾食真係要預留時間，等唔切就用啲腳骨力行樓梯吧～～～週末嚟到，OK等10分鐘上到樓，餐廳「行街」嘅人都幾多，耳邊傳嚟好多人討論「啲餃子好好食」、「薄皮定厚皮」之類，除咗shopping，另一邊就係堂食位置，席上客比預期多。朋友係呢度嘅常客，無慮即決就話一定要食水煮厚皮 #黑豚肉韭菜同 #黑豚肉白菜餃！厚皮餃相對有口感啲，屬於嚼感型。我點咗個薄皮嘅 #粟米黑豚肉煎餃，三款餃子各有千秋，粟米比較清甜，至於韭菜同白菜就係傳統嘅口味，黑豚肉香相對較突出。另外餐廳新推Xmas 餐牌，可以揀餃子拼豬扒或豬肋骨等組合，多個選擇，大家試啱塊扒就可去凍櫃加購返屋企。