Burgerism (黃埔新村) (已結業)

喺紅磡如果想食西餐，我通常都會幫襯呢一間，今日黎紅磡做嘢，諗住又去食，先至知道佢哋搬咗新舖。新店好近黃埔站，而且大間咗，好好坐。友人話想食扒，於是試咗佢嘅21日熟成肉眼扒，另外再叫咗個二人套餐，套餐有幾樣野揀，我地就揀咗西班牙火腿沙律、黑松露卡邦尼意粉同埋羊扒。其實我一般黎講都唔會喺出面食西班牙火腿，因為同鴨胸一樣，通常啲質素好差，好食嗰啲又好貴，但係呢間餐廳就完全改變左我嘅睇法，估唔到佢d火腿都幾靚；黑松露卡邦尼意粉就有驚喜，一黎黑松露唔係好重手，無蓋過意粉的卡邦尼汁，另外就係個意粉都算乾身，唔會好漿好杰撻撻，好味；羊扒都唔錯，不過因為可能帶咗嗰個21日熟成肉眼扒，所以個羊扒就立刻比下去。肉眼扒$798，話就話2人份量，但係我覺得3個人都夠食有餘，肉味好香好juicy，唯一挑剔就係脂肪略為多，不過整體真心物超所值。