唐記包點 (愛定商場(H.A.N.D.S) S區)

營業中

休息中

唐記包點係我食過咁多間以非酒家形式中，水準最為平均，價格亦相對平宜既店舖，若果途經而又未食早午晚飯，我都必定會將唐記例入我既考慮範圍，而今日我又再次孤身隻影咁經過熟識既地鐵站，再沒有多加考慮就埋身櫃枱點下了今日豐富既午餐，見到餐牌上心儀既點心都可以放肆地叫，從來不需要顧慮味道質素及產品價格，每次都十分盡興和十分滿足！雞扎一貫舊式酒家既風味，飽滿既魚肚，滑嫩既雞肉，被香口既腐皮包住，CP值極高既點心！燒賣肉質細滑鬆軟，配上杞子更加甜美，點心必吃推介！菜肉包份量理想，肉餡與菜份量恰到好處，肉汁被包的內圍吸收哂，正！