影片
更多
2015-06-06
1628 瀏覽
早前已得知添好運是米芝蓮一星餐廳，與男朋友相約到一試。其實這次已經是小妹第二次去奧海城分店，感覺一樣：鐘意食點心值得再去 ，但若果大家好怕服務態度差既餐廳就建議大家去其他分店 先大約講講上次經驗：大約5月中既平日晚上，小妹與男朋友約8點55分到達，一開始入店時其中一位收銀處男職員都冇乜點，歡迎我地入座，當時餐廳仲有10-12枱客人。其實我地都知餐廳收22：00，都諗住快食快走。男朋友鐘意坐卡位，未坐低就問兩人可唔可以坐一邊卡位，點知帶位“姐姐”話：你地兩個人就坐兩個位啦，唔可以坐四人位(都唔緊要)。(我仲好記得佢係紮馬尾，因為兩次都係佢令我覺得無言)咁咪坐lor其實冇所謂，然後有位外國人一個人坐去四人位，個姐姐又冇野wor，果一刻我諗我情願扮唔識廣東話。然後個姐姐又話：你地好食快D喇我地收十點。我就話：下，剛剛問你同事OK先入尼食，我唔會真係坐到22:00。姐姐：咁我地都要清潔嘛，你地仲有三十分鐘食咋，食唔食得切呀？當時21:00。我心諗：其實你唔想我入尼真係唔緊要，我明白姐姐想早收工，都唔洗咁呀？！算，快快食完走。叫完等大約十分鐘點心開始到，然後21:15姐姐又行埋尼，又話：仲有
其實這次已經是小妹第二次去奧海城分店，
感覺一樣：
鐘意食點心值得再去 ，但若果大家好怕服務態度差既餐廳就建議大家去其他分店
先大約講講上次經驗：
大約5月中既平日晚上，小妹與男朋友約8點55分到達，
一開始入店時其中一位收銀處男職員都冇乜點，歡迎我地入座，
當時餐廳仲有10-12枱客人。
其實我地都知餐廳收22：00，都諗住快食快走。
男朋友鐘意坐卡位，未坐低就問兩人可唔可以坐一邊卡位，
點知帶位“姐姐”話：你地兩個人就坐兩個位啦，唔可以坐四人位(都唔緊要)。
(我仲好記得佢係紮馬尾，因為兩次都係佢令我覺得無言)
咁咪坐lor其實冇所謂，然後有位外國人一個人坐去四人位，
個姐姐又冇野wor，果一刻我諗我情願扮唔識廣東話。
然後個姐姐又話：你地好食快D喇我地收十點。
我就話：下，剛剛問你同事OK先入尼食，我唔會真係坐到22:00。
姐姐：咁我地都要清潔嘛，你地仲有三十分鐘食咋，食唔食得切呀？
當時21:00。
我心諗：其實你唔想我入尼真係唔緊要，我明白姐姐想早收工，都唔洗咁呀？！
算，快快食完走。
叫完等大約十分鐘點心開始到，然後21:15姐姐又行埋尼，
又話：仲有咩未到呀我地夠鐘清潔⋯⋯
其實我真心嬲嬲地，但又同自己講佢趕收工姐⋯⋯不過又唔見佢同其他客講WOR⋯⋯
唉，好似趕命咁，心情差哂。密密係咁食啦⋯⋯
然後5分鐘後另一個姐姐又尼，話佢地要開始清潔。
我D火真係尼喇：剛剛你同事同我講22:00關門，21:30要食哂，都算⋯⋯
而家21:20姐，我已經密密食仲係咁講⋯⋯
又5分鐘後紮馬尾拎張單尼話要埋數，已經冇佢咁好氣拿拿聲走⋯⋯
今次入座時間大約七點半，其實餐廳環境唔錯。
正值晚餐時間，座無虛席。
點左多款點心，等大約十分鐘點心開始到。
賽螃蟹春卷：熱辣辣，皮脆卜卜，好味！
蝦餃：出名點心店必試款式，皮夠簿而蝦肉新鮮，值得再點。
燒賣：與其他以點心為主的小鋪和茶樓相比，添好運的燒賣豬肉味較重，小妹個人認為比其他餐廳出色。
食物真係幾好嫁，但態度一樣⋯⋯
今次仲21:15就LAST ORDER叫我埋單，餐態仲有一半客⋯⋯
然後21:20就有個姐姐講問埋哂單未，話呢區要清潔⋯⋯
我就望望，左右兩邊都未走，左邊既外國人D野食都未上哂，飲埋杯茶咪行⋯⋯
然後一分鐘後姐姐拎住地拖行埋尼話：真係要做清潔嫁喇⋯⋯
我已經唔想再講落去，走喇⋯⋯
如果米芝蓮既評分只係俾食物，咁就點心而言添好運係OK，
但若果計埋SERVICE，就真係無言了⋯⋯
兩次去都心入面係咁爆粗⋯⋯
唔會再有下次(又或者下次去其他分店算)
題外話/補充資料：
其實第一次寫食評真係唔想由劣評開始，
無奈奧海城添好運分店真係⋯⋯好似趕客咁⋯⋯
好在外國遊客唔會知我地有咩說話聽，唔係就真係／＿＿＿＿＿＼
(以上食評乃用戶個人意見 , 並不代表OpenRice之觀點。)
張貼