王家沙．花樣年華 (黃埔天地享膳坊)

營業中

休息中

一行七人老老少少是日來王家沙提早做瑞午節,住黃埔幾十年來王家沙幫襯過不下十次,唯有這次起心動念寫一下食評,這晚星期日,book著七點,來到門口先知原來唔使等位,望下個場坐满七、八成,諗起以前開係美食坊嗰陣,已經係曾經輝煌,坐落來睇下個餐牌,😳哇,貴到!個人覺得貴唔係問題,但貴要貴得物有所值咯。醉雞98元,係ok嘅,但總覺得酒味冇以前咁濃了,上海燻魚,已不是以前那種正宗的燻魚,反而好似糖醋魚塊。回鍋肉,完全冇味嘅?!鱔糊算正常,上海粗炒又係咁!冇味。好彩點心一如既往咁樣,小籠包皮簿汁多👍👍咸葱餅係我最愛,葱味香脆,每次來必叫,小朋友就最愛炸曼頭,點煉奶好好味。不知為何近年王家沙冇哂聲息,個人認為食物質素是一個品牌餐廳最重要的口碑,而食物價格更要同食物質素成比。畢竟現在京川滬菜舖天蓋地,競爭大,唔keep住個口碑,就輸了。